Соработката во енергетскиот сектор меѓу Македонија и рускиот гигант Газпром ќе се интензивира. Ова му го потврдил заменик-претседателот на Газпром, Александар Медведев, на министерот за финансии Зоран Ставрески. Двајцата се сретнале во Санкт Петербург на маргините на Меѓународниот економски форум што се одржува под покровителство на претседателот на Руската Федерација, Дмитри Медведев. За приклучувањето на Македонија на Јужниот тек заменик-претседателот Медведев информираше дека физибилити студијата за гасоводот е при крај и дека ќе биде готова заклучно со третиот квартал од 2011 година. Исто така, беше констатирано дека со реализација на гасификацијата значајно ќе се прошири потребата од гас во Македонија, при што Газпром изрази подготвеност за да ја обезбеди потребната количина.
Соработката во енергетскиот сектор меѓу Македонија и рускиот гигант Газпром ќе се интензивира.
Ова му го потврдил заменик-претседателот на Газпром, Александар Медведев, на министерот за финансии Зоран Ставрески. Двајцата се сретнале во Санкт Петербург на маргините на Меѓународниот економски форум што се одржува под покровителство на претседателот на Руската Федерација, Дмитри Медведев.
За приклучувањето на Македонија на Јужниот тек заменик-претседателот Медведев информираше дека физибилити студијата за гасоводот е при крај и дека ќе биде готова заклучно со третиот квартал од 2011 година. Исто така, беше констатирано дека со реализација на гасификацијата значајно ќе се прошири потребата од гас во Македонија, при што Газпром изрази подготвеност за да ја обезбеди потребната количина.
Инаку овој Форумот е меѓу најпрестижните во светот и на истиот учествуваат реномирани претставници на влади и компании од целиот свет.